中國合伙人觀後感
不過今日出於無聊既心情，接受左朋友既邀請去睇呢套戲
睇佢既poster係吾多吸引，三個樣衰表演出中國人最厲害既'mou街' (完全睇吾出係黃曉明)
咁樣睇係都幾樣衰既
點知睇完套戲對大陸戲完全改觀
先不提劇情
1. 三個男主角尤其係姓孟嗰位(鄧超)真係好有型
2. 佢啲景係拍得好靚
3. 女主角一開始睇好似好柒，但係睇落真係靚、有氣質。完全令短髮睇落好有性格。後來發現原來係超模杜鵑...... 難怪如此高瘦
然後劇情令人感動
完全体會到大陸學生既苦處，佢將中國不斷考試既文化表現得好好
加上佢完全將外國人既白人主義好真實咁拍哂出尼
事實上就係未見過世界而認為白人主義吾存在即人就係too young too naive
作為一個出港留學既人，我好明白
無論你幾崇洋、幾想融入，你永遠都無可能成為佢地既一份子
白人主義一直都存在，亦永遠都會存在
只要美國一日比我地強大，我地就永遠都活係歧視之下
中國合伙人強調左一個道理。你要從敵人度學習，學習到有機會打敗佢地，到一日能夠威脅到佢地既時候，佢地先會正視你。
不過最觸動我既劇情，其實係佟大為要結婚既時候
記得佟初次同佢老婆講野既時候，黃同鄧為夢想同上市問題哎緊交
然後佟結婚當天同兩人講
從前一直都想要與眾不同(溝外國妹、寫詩)，後來先發現其實做個平凡人未算囉，做翻啲平凡人做既野，聚個平凡既老婆先係最開心。
事實上佟既夢想係被外國妹飛既時候已經幻滅左。佢放棄左寫詩同對與眾不同既執著，甘心做一個平凡人。但真正決定放棄，係好友為上市鬧不和既時候，佢先真正覺得要面對現實 (所以當時主動食女人既飯)
呢段劇情令我感觸良多
其實我地又何嘗吾係咁樣？
試問有幾多人真係做緊自己中意做既野？
我地都曾經有過夢想，做畫家、歌星、警察...... 難道我地吾係都係被現實既世界摧毀左夢想？
究竟係我們在改變世界，還是世界在改變我們？
No comments:
Post a Comment